Mae ECHOES yn mynd i’r afael â heriau’r newid yn yr hinsawdd i gynefinoedd adar arfordir Môr Iwerddon drwy hybu dealltwriaeth o newid hinsawdd, a darparu ffyrdd o fonitro a rheoli ei effeithiau posibl, ac addasu iddyn nhw.

Bydd LIVE yn hybu twristiaeth drwy ddefnyddio’r model ecoamgueddfa a thrwy farchnata asedau cyfalaf naturiol a diwylliannol yn gydweithredol er mwyn denu twristiaid i’r rhanbarthau y tu allan i’r tymhorau twristiaeth prysur traddodiadol.

Mae BRAINWAVES yn defnyddio dull cylchol economaidd i reoli slyri a dŵr budr, gan ddatblygu technoleg i adfer y dŵr gwastraff hwn, i greu bwyd anifeiliaid gwerthfawr yn economaidd, a thrwy hynny sicrhau bod y diwydiant cig eidion a llaeth yn fwy cystadleuol yn yr ardal darged.

Mae'r newid yn yr hinsawdd yn effeithio'n uniongyrchol ar Fôr Iwerddon ac ar y cymunedau ar ei arfordir.

Mae gan ein gwledydd hanes cyffredin ond mae gwahaniaethau mawr rhyngddynt hefyd. Mae gan borthladdoedd ar y ddwy ochr hanes cyffredin hefyd o gymhathu gweithwyr mudol o ddiwylliannau ac ieithoedd eraill.

Gallai'r tonnau a'r llanw o amgylch Iwerddon a Chymru ddarparu llawer iawn o ynni carbon isel. Mae cwmnïau lleol sy'n adeiladu dyfeisiau i harneisio'r adnodd naturiol hwn yn creu swyddi ac yn allforio i bedwar ban byd eisoes.

Bydd y prosiect STREAM (Sensor Technologies for Remote Environmental Aquatic Monitoring) yn dod â phartneriaid ar ddwy ochr Môr Iwerddon ynghyd i gael gwell dealltwriaeth o effaith y newid yn yr hinsawdd; gostwng cost arsylwi morol a chyflymu'r broses o ddarparu data.

Cynllun peilot i hybu arloesi ymysg busnesau yn y sectorau gwyddor bywyd a bwyd a diod.

Bydd prosiect y Llwybrau Celtaidd  yn annog ymwelwyr i grwydro ardaloedd newydd yng Nghymru ac Iwerddon ar eu ffordd i ben eu taith.

Mae More than a Club yn brosiect ar y cyd rhwng Cymdeithas Bêl-droed Iwerddon a’r fenter gymdeithasol o Gymru, Vi-Ability. 

Bydd yr ymgyrch Acclimatize yn cau'r bwlch gwybodaeth o ran llygredd carthol mewn dyfroedd ymdrochi trefol a gwledig sydd 'mewn perygl' yng Nghymru ac Iwerddon.

Bydd Ecostructure yn codi ymwybyddiaeth ynghylch defnyddio eco-beirianneg i ateb yr her o addasu’r arfordir yn wyneb yr newid yn yr hinsawdd.