CALIN

Mae'r Rhwydwaith Arloesi Celtaidd ar gyfer Gwyddorau Bywyd Uwch (CALIN) yn brosiect pedair mlynedd o dan INTERREG Iwerddon-Cymru sy'n cefnogi rhaglenni ymchwil a datblygu ar gyfer busnesau bach a chanolig y sector gwyddorau bywyd.

Bydd CALIN yn cryfhau cysylltiadau economaidd ac yn ysgogi cydweithio trawsffiniol i gefnogi datblygiadau economaidd a gwyddonol yn y maes gwyddorau bywyd yng Nghymru ac Iwerddon.

Caiff hyn ei gyflawni drwy gysylltu busnesau â sefydliadau academaidd yng Nghymru ac Iwerddon, gan gynnwys chwe sefydliad addysg uwch:

• Prifysgol Abertawe (yr Arweinydd)
• Prifysgol Bangor
• Prifysgol Caerdydd
• Coleg Prifysgol Dulyn
• Sefydliad Cenedlaethol Tyndall, Corc
• Prifysgol Genedlaethol Iwerddon, Galway

Yn benodol, bydd CALIN yn arwain at ragor o rannu gwybodaeth rhwng y canolfannau sy’n rhagori ym myd addysg uwch a busnesau bach a chanolig. Bydd hefyd yn cefnogi technolegau, cynnyrch a gwasanaethau newydd fel nanotechnoleg a all arwain at ddatblygiadau sylweddol.

Mae'r prosiect yn pontio ymchwil a datblygu, arloesi, datblygu masnachol a’r ddarpariaeth o swyddi gwerthfawr. Bydd agwedd arbenigol CALIN yn gosod sylfaen ar gyfer arloesi ym myd diwydiant i gryfhau'r sector gwyddorau bywyd, fydd yn ei dro'n dod â chyfoeth a llewyrch i'r rhanbarthau.